Përgjegjësi dhe kompetenca
Sekretaria Qendrore Mësimore ndihmon zhvillimin e procesit mësimor në KUPV, nëpërmjet kryerjes së detyrave kryesore si më poshtë vijon:
-
Mban dhe përditëson regjistrin bazë me të dhënat personale të studentëve, notat e marra
gjatë ndjekjes së programit të studimit në vitet e studimit dhe të dhëna mbi diplomën/at.
-
Plotëson diplomën e studentit dhe suplementin e diplomës, sipas rregullave të përcaktuara në këtë statut dhe në rregulloren e institucionit si dhe bazuar në udhëzimet e Ministrisë së Arsimit dhe Shkencës.
-
Hedh të dhënat e studentëve në regjistrin themeltar dhe atë të amzës, të cilët plotësohen në formë elektronike dhe me dorë.
-
I jep çdo studenti numrin përkatës të matrikullimit.
-
Plotëson regjistrat e lëndëve.
-
Sekreton provimet dhe bën zbardhjen e rezultateve të tyre mbas korrigjimit.
-
Trajton kërkesat e studentëve për regjistrim dhe çregjistrim të lëndëve si dhe ndërrimet e grupeve.
-
Përpunon statistika (kalueshmëria, mungesat, etj).
-
Njofton Rektorin, Zv.Rektorin, Dekanët dhe Përgjegjësat e Departamentit për orët e mësimit të pazhvilluara gjatë javës.
-
Llogarit numrin e orëve të mësimit të zhvilluar nga pedagogët e jashtëm, informacion që i dërgohet Zyrës së Burimeve Njerëzore nëpërmjet Kancelarit përpara kryerjes së pagesës.
-
Harton vërtetime dhe lista notash, si dhe kopje të suplementit të diplomës për studentët, në bazë të kërkesave të tyre
-
Mbikëqyr plotësimin e rregullt të proces-verbaleve përfundimtare të lëndëve dhe e dërgon për arkivimin e tyre.
-
Administron, mbikëqyr, mirëmban, plotëson dhe rinovon sistemin e-grade.
-
Çdo detyrë tjetër me natyrë sekretarie, në shërbim të studentëve, të ngarkuar nga Zv.Rektori dhe/ose Rektori
